Tokowha nga taitamariki no Te Waiariki i hono atu ki te kaupapa Sir Peter Blake Youth Enviroleaders Forum ara YELF i tu ki Whakatu i Te Waipounamu i nga hararei kura no tata nei.

Ko Eamon Walsh o te kura tuarua John Paul i Rotorua, Whakawa Kakau o Te Whare Kura o Mauao i Tauranga, Courtney McKonkey o te kura tuarua o Trident raua ko Liam Butler o te kura tuarua o Whakatane i Whakatane i whakaako ratau i nga take taiao e aro ana i Aotearoa whanui.

Whakarite ana te kaupapa YELF i nga rangi tekau ma ono ki te rua tekau ma rua o Paenga-whawha kia rima tekau ma whitu katoa nga taitamariki na rangatira o apopo no te whanuitanga o Aotearoa e whakaako ana i nga ahuatanga o te taiao a runga i te whenua me a raro i te moana.

Kei te whakaaroaro tonu a Courtney raua ko Liam he aha ma raua hei te mutunga o te kura tuarua otira te kitenga i tenei wa ki te kaupapa tonu o Sir Peter Blake a muri atu rano Blakes Expeditions ara tetahi hekenga ki Antarctic.