Ka riro ma Gail McJorrow o Eastbourne i Te Whanga-nui-a-Tara hei whakamangai i te kaupapa hei te Rahoroi te toru tekau o Hongongoi ki te marae o Maungarongo i Ohope ka timata haurua i te tekau haora ata.

Kei te pupuri a Gail McJorrow i tana umanga tupapaku Better Send Off me ona whakaaro ka ahei nga whanau ki te whakarite i tetahi tangihanga kia iti rawa te utu. Hei ta Gail McJorrow ko te utu o nga tangihanga o nga umanga hei tetahi whanau ka iwa mano tara ki te tekau ma toru mano tara neke atu.

Hoi ano kei te kii a Gail McJorrow he pai tonu ma te tangata e kawe ana i tona ake tupapaku mana tonu e whakapakoko i te tupapaku mana tonu e tahunga te tupapaku me te korero ka whai utu iti i tetahi waka tupapaku kia rua rau tara noa iho te utu. Tera hoki te wahanga whakapakoko tupapaku ma te hukapapa maroke hei aha nga matu ki roto i nga tinana tangata.

Ara te ahua o te hukapapa maroke ehara kau te wai mutu engari ka rere ki te rangi ano nei te hau. Hei te akoranga i Ohope me whakautu te tangata i te rua tekau tara hei te Rahoroi e whakautu ai tae rano ki te marae o Maungarongo.