Ta te mea mena ka waea atu tetahi o nga hapori o Wainui he waka turoro mona ake mo wai ranei kua kore te punaha 111 e mohio kei hea te takiwa o Wainui. Ahakoa nga tohutohu a nga tangata pena i a Shona Houlton o te huarahi Harrison ka mau ke nga kaiutu o te punaha 111 i te ingoa Waiou.

Koira ta Shona i mea atu ki te kaitono o 111 me tuku te waka turoro ki Waiou engari ma Ohope ke e kuhu ki te takiwa o Wainui. Koi raru te tangata ina tetahi huarahi Harrison kei Otara i Opotiki.

Hei te purongo a Ramaroa ko te punaha 111 anahe kei te mau i te ingoa Waiou i ona mataaho no runga i a Zoomin. Ki hea rano nga tangata e kimi ana i te putaketanga o te ingoa Waiou korekore e kite ai.

Hei nga korero a Ross Boreham o TE Kaunihera o Whakatane kare kau taua ingoa i to ratau punaha kaunihera. Kei te mau i a Quotable Value te ingoa Waiou me etahi umanga whenua o Opotiki me Whakatane me te kore ratau i mohio nohea mai tenei ingoa kehua.

Hei ta Andrea Rush o Quotable Value ka titiro ia i te noheatanga o Waiou ki to ratau punaha me tana me titiro mena kei te here ki te punaha 111 ekene me ahei ki te whakatika.