No te kura takawaenga o Tamaki-makau-rau a Cole Hughes, Elijah Hong, Lilly Parke ratau ko Keira Maquet i tae ki nga hakinakina AIMS Games i tu ki roto i Tauranga no te wiki pahore.

Hoi ano te korero a Mike Greer o tetahi pahi Bayhopper nana i tiki i nga tamariki tekau ma rima kopa ana tona pahi i te tangata. Otira ka tu te pahi ki tetahi taunga tangata kia piki mai tetahi kuia me ona tokotoko e rua ka makere mai a Lilly Parke raua ko Keira Marquet i to raua turu kia noho ko te kuia hapehape.

Ka tu ano ki tetahi atu taunga tangata ka piki ko tetahi wahine e matohe ana i aana toto kai na Cole Hughes raua ko Elijah Hong taua wahine i awhina me te hoatu hoki i o raua turu.

No reira ka miharo a Mike Greer ki enei tamariki tokowha me te whakaatu ki te tumuaki tuarua o Te Kura Takawaenga o Tamaki-makau-rau ki a Shane Devery i te humarietanga o etahi o aana tamariki tokowha.

I tuku atu nga tamariki maia kia kaukau i te hopua kauhoe wera o Maunganui me te haere ki te ten pen bowling etahi manawaru o Elijah Hong, Cole Hughes, Keira Marquet me Lilly Parke.