Kei te pupuri te marae o Tanatana i Te Waimana i te tohutoa 2016 Supreme ADNZ Resene Architectural Design na te waihanga o te wharemate i hoahoa i a Aladina Harunani o Apa Architects & Projects Managers.

Hei ta Martin Rakuraku o te hapu o Ngati Rere o Tuhoe he wharemate hou no ratau mo anamata ake kia kore atu ai i nga teneti o mua mai hei nga tangihanga.

Aianei ka noho haumaru nga whanau me nga manuhiri ki roto i te wharemate hou ahakoa nga huarangi e patupatu nei i te taiao.

Ko te ahua o te wharemate e tohu ana i nga herenga rapa ki te whenua me te titi o nga pou ki nga rangi tuhaha e pupuri ana i nga aroha o nga tangata whenua me o ratau tira ka huihui ki te poroporoaki i tetahi tupapaku hei nga rangi e toru.