Kei te tumeke nga kaitakawaenga o te Redwoods Treewalk i te tokomaha nga tangata kua kuhu ki tera ngahere i Rotorua mai ano i tana whakatuwheratanga i te marama o Hakihea rua mano ngahuru ma rima.

Hei ta Graham Brownrigg kaiwhakahaere o Redwoods Treewalk–site kua nui ake te tokomaha o nga tangata hokai whenua i te tekau ma rua mano i tera tau hipa atu kia toru tekau ma rima mano tangata i tenei Kohitatea me te toru tekau mano i tenei Huitanguru o tenei tau rua mano ngahuru ma ono.

Kei te kii a Graham ko nga tangata e kuhu ana ki tana i-site hei hoko tikiti ki te Redwoods Treewalk kei te pataitai hoki mo etahi wahi hei hikoitanga mo ratau i roto i Te Waiariki. Tera nga korero a Alex Schmid o Redwoods Treewalk toru tekau meneti te roa o te hikoi i te ngahere rakau Redwood e whakaaio ana i nga tangata e kuhu ana ki te titiro ki nga rakau Redwood me te whakarongo hoki i nga manu e nohia ana taua takiwa.

Kei te whakaritea nga wa hikoi ia rangi mai i te iwa haora i te ata ki te rima haora i te ahiahi. Whakapa atu ki te paetukutuku www.treewalk.co.nz e kite ai i nga whakaritenga o te Redwoods Treewalk.