Hei te purongo a Ramaroa no te ahiahi po o tera  Rapa ki muri e kiriata ana te tama tane e tuohu ana me te taupa i te kotiro kei raro i a ia me etahi atu kohine tokorua e mekemeke ana e ponapona ana i tona mahunga.

Ahakoa nga kohine tokorua na raua i whakahinga te tama tane ki raro ki te papa taupa tonu ana i ia i te kotiro kia kaua taua kotiro e whara. Kia hoha rano nga kohine tokorua i o raua whawhai ngaro atu raua ki to raua ahuranga. Hei te  korero a te tumuaki o te kura tuarua o Whakatane a Philip Gurney kei te mohio ia ko nga tai tamariki no tona kura tuarua tonu.

No reira kei te mahi tahi te kura tuarua o Whakatane me nga Pirihimana i tetahi otinga pai. Kei te kii a Philip Gurney kei te whakatakariri tona kura tuarua, nga kaimahi me nga tauira kotahi mano rua rau ki nga kaikinotanga o nga kohine tokorua ki te patupatu i etahi atu taiohi. He tukariri e tukino ana i te ahuatanga o Te Kura Tuarua o Whakatane i te papaho ipurangi.