Me waiho nga kaimoana i te Moana nui o Toi, kaua e kohi. Koinei tonu te whakatupato a te Manatu Ahu Matua.

E iri ana te whakatupato ki te Moana o Toi na runga i te mate pukohuwai ki nga kaimoana. Ko nga wahi e rahui ana nga kaimoana ko Whakatae, te awa o Waioeka i Opotiki me te wahapu o Ohiwa.

Noreira e karanga ana te Manatu Ahu Matua kia kaua e kohi i nga kuku tio, tupa, tuatua pipi toheroa tuangi kina me etahi atu o nga kaimoana angarua.

He pai tonu te ruku me te kai i te paua papaka me te koura engari me tangohia te puku i mua o te tunu. Ki te pangia tetahi e te mate na te kai i nga kaimoana nei me haere totika ki te takuta.