Hei te minita Hauora Tākuta David Clark kua kite ia kotahi ira rua tekau mā iwa miriona ngā inenga rongoa o te mate rewhawha kua tuku atu ki ngā tāngata huri noa i te motu o Aotearoa. Kei te mihimihi a Tākuta David Clark ki ngā whare hauora, ngā whare rongoa, ngā rata, ngā tapuhi matua me ngā ratonga hauora whānui o Aotearoa no ngā wiki huri nei e puku mahi ana kia rongoa ārai i ngā tūroro e tami ana i te mate rewhawha hei tēnei kaupeka takurua. Hei te kōrero a Tākuta David Clark ka rua ngā wiki e hipa ana kātahi te rongoa ārai e whakamana ana i te orangatanga o te tinana kia tū tawhiti atu rāno te mate rewharewha i tōna mokemoketanga. Kei wareware te iwi whānui he utu mo te rongoa ārai ēngari he utu kore mo ngā wahine e hapu ana mo ngā tāngata pakeke ake i te ono tekau ma rima tau mo ngā tāngata e poautinitini ana kei raro i te tau ono tekau ma rima me ngā tamariki kei raro i te tau e rima kua turoro rātou to mua mai me te hehe.