Kare kau he tino morearea o te ngarara myrtle ki te ahumahi miere manuka hei te korero a te toihautu o Comvita a Scott Coulter. Kei te taka mai te pii miere i te puawai manuka leptospermum scoparium ko ia te rakau manuka kei roto i Aotearoa whanui. Otira he rakau manuka ka kite hoki te i Tasmania e orite ana ki nga rakau manuka i Aotearoa hei te korero tonu a Scott Coulter. Kei te mahi tahi a Comvita i a Capilano otira te kitenga kare kau he rarunga i tenei wa e hangai ana ki te ahumahi pi miere manuka i tera takiwa o Tasmania. Ara tetahi pekanga o te kawanatanga Tasmania kare kau te ngarara myrtle e mahora ana ki nga rakau manuka i Tasmania. I tenei  wa kotahi noa iho te rakau manuka kei te mau i te ngarara myrtle i Aotearoa engari taua rakau manuka kei roto i tetahi umanga whakatipu rakau. Hoi ano te korero tonu a Scott Coulter kei te hiwa ra tonu ratau ki te moreareatanga o te ngarara myrtle ahakoa i roto i Aotearoa ka pa kino te ngarara myrtle ki nga rakau kei nga wahi tangata ehara kau i nga taiao ngaherehere i tenei wa.