Hei nga korero a te tumuaki o te kura tuarua o Whakatane a Chris Nielsen kua toru tau ratau e mahere ana i tetahi wahi kura mo nga whaea taiohi. A te tau rua mano ngahuru ma whitu e tu ai.

Tera hoki nga korero a Chris Nielsen kua tohua a Jenny Beets hei te kaiako o nga kohine e whai tamariki ana ka timata hei te timatanga o te tau kura tuatahi.

Kei te kii a Chris Nielsen he whakaritenga kura whaea taiohi e whai matauranga tonu nga kohine me a ratau pepe i te mana o te kura tuarua o Whakatane. Ka rua tekau nga turanga e watea ana hei nga whaea taiohi na Te Tohu o Te Ora o Ngati Awa me te kura tuarua o Whakatane kia kuraina tonu nga kohine taiohi.

Ki nga korero tonu a Chris Nielsen i pupu ake tenei momo kirimana kura na te katinga o te kura tuarua o Kawerau me te koa a Chris Nielsen kua whiwhi tona kura i tenei kaupapa.

No mua mai rano ratau mo nga tau e whitu e whakamatau ana kia whakarite  tenei kaupapa e hangai ana ki nga kohine e hapu ana ratau i te kura tonu. Ka tu tenei kura whaea kohine ki te takiwa o Te Tohu o Te Ora o Ngati Awa i Te Pahi Taua.

Ka tuwhera tenei taiwhanga whaea kohine hei nga kohine katoa ka hapu no nga kura tuarua o tenei wahi o Te Waiariki Rawhiti.