Ka riro ma nga iwi o Tamakaimoana< Ngati Kuri, Ngati Tawhaki me Te Kohinga o Te Whanau o Tuhoe nga uri whakaheke o Rua Kenana hei nga tuhinga a Ahorangi Taiarahia Black ko ia e kauhau ana ki a ratau a enei rangi whakata kei mua tata i tatau. Hei te kaitakawaenga o tenei huinga muru hara hei Nika Rua a tenei ahiahi ramere te pohiri i te rima haora  kia haere rano te hui nei ki te rahoroi te rua tekau ma wha me te ratapu te rua tekau ma rima o tenei marama o Pipiri. Kei te whai take nga uri o Rua Kenana kia makere mai te hara i raua e Te Kawanatanga i te rangi tuarua o paenga-whawha o te tau kotahi mano iwa rau tekau ma ono ina te pahuatanga o te ope karauna i te kainga o Maungapohatu. Ka riro ma Ahorangi Taiarahia Black hei te kauhau ki te marea me aana kupu kitenga  kua rangahau i a ia e hangai ana ki nga mahi kino a Te Karauna ki a Rua Kenana me tona rahinga i Maungapohatu i tera rautau huri nei.