Kei te tu tetahi hui rokiroki i etahi o nga marae o Te Teko hei tenei wiki tonu kia whakamuimui i nga whanau, nga hapu, nga iwi me nga tangata tauiwi pakeha ranei.

Hei nga korero a Morgan Cox o te ropu Kiwi for Kiwi ki a Ramaroa hei whakahuihui nana me te Omataroa Kiwi Project i nga iwi e hiahia ana ki te whakaako i te ahuatanga o te rokiroki me te penapena i o ratau taiao.

Hei ta Morgan Cox na Ian Tarei o Omataroa Kiwi Project te whakaritenga o nga hui ki Te Teko ki nga marae o Tuteao, Uiraroa me Ruaihona kia pau rano tenei Ramere te tuawha o Pou-tu-te-rangi.

Ka riro nga nga tohunga o ia taiao e korero ana mo ratau ake pena i te manu kuia i runga i Moutohora, te koiora o Te Urewera neke haere ki Ohope me Ohiwa ki Manawahuna (Cape Brett) i Te Tai Tokerau o ratau ake korero e ora pai enei takiwa.

Otira te korero a Morgan Cox kei te hiahia nga tangata rokiroki Pakeha ki te mohio i nga mahi a nga Iwi Maori me o ratau taiao huri noa i Aotearoa i Te Ika-a-Maui, Te Waipounamu, Rakiura me Whare Kauri otira nga moutere e mahi ana nga iwi Maori me o ratau taia.