Hei aha te ture a Te Kanuihera o Whakatane hei te korero a Tania Ramsay o Taneatua. Ta te mea kei te hiahia Te Kaunihera o Whakatane kia whakature inga taraka taumaha tekau ma rua tana nui ake  kia peka atu ma Taneatua me Nukuhou ki wiwi ki wawa me te kore era taraka taumaha e kuhu ma Ohope. Kei te kii a Tania Ramsay era taraka e hipa atu ana i Taneatua etahi ka parahuti, etahi ka whakamahi i o ratau pukaha kia poturi i o ratau taraka. Tera hoki a Lanae Cable o Taneatua hoki me tohatoha nga hipanga taraka ki nga taone katoa. Ara tana korero mo Te Kaunihera o Whakatane kare kau ona manawa aroha ki nga iwi kei te nohia nga takiwa o Matata, Patutaatahi me Taneatua. Kei te whakaaro tuatahitia e Te Kaunihera o Whakatane nga haumarutanga o nga iwi o Ohope me te kore whakaaro mo ratau kei nga topito ke o Te Kaunihera o Whakatane kei Taneatua me era taone iti kua korerohia. Kei te whakaae hoki a Dylan Henderson o Ohope i nga korero a Tania Ramsay raua ko Lanae Cable o Taneatua.