Kua tae ra tatou ki te wahanga o te Matariki. Ia tau ka puta te tatai whetu o te huihuinga o Matariki. Koinei te timatanga o te tau ki ta te Maori. 

E whitu nga whetu o te kahui o Matariki. 

Ko Ururangi he whetu He nui ona kaupapa. Mena he tino marama tana tiaho mai ka mahana a Papatuanuku, a, ka pai hoki mo te ono kai.

Ko Matariki te whetu tino nui o tenei kahui. Anei nga wahanga o tona ingoa; ko te “Mata” ko ona whatu, ko te “Ariki” ko te atua.

Ko Waipungarangi he uri na Tapuapua. Kia maranga mai ia, ano te ahua he roimata e maringi ana, na te mean he kohukohu te ahua o tenei whetu. He wai tona oranga he wai hoki te timatanga o te tangata, a, ma te wai ano te tangata ka ora.

Ko Waiti raua ko Waita nga kaikorero mo Matariki, no te mea he tino kaha o raua rama i nga wa katoa. Mena kei te papouri o raua ahua ka tino he nga mara kai, tae atu ki nga kai o ro wai, me nga kai o runga o raro hoki i te whenua. Mena ka kimokimo mai raua ka kainga nga kai e te ngarara, ka hakuhaku hoki te ahua, a, he tau korekore te mutunga.

Ko Tupuanuku tetahi atu o nga whetu o Matariki. Mena kei te tino marama tana tiaho mai, he tohu tenei ka hua nga kai katoa.

Ko Tupuarangi tetahu atu ano. Mena ka kaha te tiaho mai o tenie o nga whetu, ka maringi te hinu kai, na te kaha momona. Ka ora atu te whenua, ka ora atu nga awa, ka ora atu te rangi, ka ora atu nga mea katoa.