I te Rāhoroi 21 Oketopa, kā tū te rā whakanui i te ‘Rau Tau’ o Te Wharekura o Huiarau, kai roto o Ruatāhuna. He whakanui tēnei i te kura o Huiarau me tōna Kotahi Rau Tau, mai i tōna oroko timatatanga i te tau 1917, ā, taka iho mai ki tēnei tau. Ko te hahu i ngā kōrero o tūā-ukiuki i whāia e ngā koroua o Ruatāhuna ki te tono i te Kāwanatanga kia hangaia he kura pākeha ki roto o Ruatāhuna, hai kura i ngā tamariki ki te mātauranga a te pākeha. Ka titiro ki ngā hīkoitanga mai i tērā wā, ki roto i ngā tau hekenga nui o te wā, ā, me ngā titiro ki tua o te pae. E matapaki ana ngā kaiwhakahaere ka neke atu i te 200 ngā tauira tawhito ka tae mai ki te taunaki i te kaupapa o te rā. Ngā Kaikōrero o te rā: Kaa Williams – tauira tawhito Tamati Kruger – He aha kei tua o te pae Ngā Mahi o te Rā: He pou whakairo, he pou kōrero, he pukapuka, he whitiāhua tawhito, he mahinga toi, he whakatairanga mahi me te whakangahau ētahi mahi nui o te rā.

Heoi mo ngā whakamahuki, whakapā atu ki a Whitiaua Ropitini (mā te pukamata) ā rānei i runga i taku waea pūkoro 0276060633.