Kei te rikarika katoa a Tauranga Moana ka tu te huihuinga nui mo nga whare ki roto o Tauranga moana tonu, ara te National Maori Housing Conference.

Ka tu tenei mai te 29 o Mahuru ki te 1 o Whiringa a Nuku. Ko te kaupapa o te huihuinga ko Ma whero ma pango ka oti ai te mahi. Ara, he titiro ake i nga rangahau me etahi rongoa huri noa i te motu, a, huri noa i te ao.

Ko tetahi o nga hotaka he titiro i nga rangahau a rohe, a motu, a ao hoki mai Aotearoa, Hawaii Kanata me te Whenua Moemoea me te titiro i etahi mahere hei awhi ki te whakawhare i a Ngai Maori hei nga ra a mua. Hei ta Puhirake Ihaka Heamana o te huihuinga nei no Tauranga Moana, e harikoa ana nga whanau, nga hapu me nga iwi, ka tu tenei huihuinga ki roto o Tauranga.

Hei tana ano ka ahei te hunga whai i tenei huihuinga te tirotiro i nga mahi whakawhanake ki nga papa kainga i Tauranga.