He kaupapa na Komihana Pirihimana Mike Bush ka korerohia ona pouritanga i te ahuatanga o ona pirihimana hoia i takahi i te mana o nga whanau o Tuhoe i Ruatoki i to ratau uiuinga , engari kihei a Mike Bush i tuku i te kupu whakapaha. Tera te korero a Ati Teepa mo tona whanau ina i kapohia e nga pirihimana hoia tana teina me tona papa kia toia ki waho i to ratau kainga ano nei he tangata hara raua. Kei te kii a Ati Teepa kei te maumahara tonu nga tamariki i taua wa ki te mahi tukino a nga pirihimana hoia ki to ratau koroua me to ratau papa – matua keke ranei. Hei ta Ati teepa kei te mihi ia ki nga pirihimana e whakamatau ki te whakatikatika i o ratau he engari kare tona whanau e hiahia ana he kupu whakapaha i nga pirihimana, Kihei hoki ratau i hiahiatia nga pirihimana ki o ratau kainga me kore i hiahia kai tutaki hoki i nga pirihimana. Hei aha maana nga kupu pirihimana te aha atu ranei. Tera nga korero a Tamati Kruger  turaha ratau o Tuhoe i nga whakapae o nga pirihimana i te rangi tekau ma rima o Whiringa-a-nuku i te tau rua mano ma whitu he iwi whakatumatuma a Tuhoe. Hoi ano kua riro a Tuhoe whanui i  te kupu whakapaha o nga pirihimana aianei me pupuri tonu i tera herenga a Tuhoe me nga pirihimana.