Kei te mahana haere nga rangi, a, kua tau mai te wahanga koanga. Heoi, kei nga huarahi, motuka me nga wahi katoa e kitekite ana i te porena, na nga rakau paina, a, ko te hua o te porena ki te tangata, ko te ihu pawera.

Kawa katoa te rohe o te Waiariki i te porena i nga rangi pahore ake, a, e whakatupato ana nga mangai hauora i te ahua o te ihu pawera. Hei ta Ahorangi David Fountain, o te hunga whakahonoretanga rangahau i Te Kunenga ki Purehuroa, no muri i te matao i te marama o Hongongoi me te mahana haere o tenei marama, Here Turi Koka, marama ana te kite i te porena, a, pangia ana etahi ki te ihu pawera.

Hei tana ano ka marara katoa te porena ki te rohe hei nga wiki e taka mai ana. Hei ta te kairangahau i te porena, a Kat Holt o Te Kunenga ki Purehuroa, e kitea ana te porena i nga momo otaota i te wa mahana o te takurua, na kona i pangia etahi ki te ihu pawera.