Kua hīkina e Te Manatū Ahu Matua ngā rāhui kaimoana i raua ki ngā takutai o Te Moana-nui-a-Toi. Kei te kī Te Manatū Ahu Matua kua kore te pūkohuwai i roto i ngā mātaitai kua whakamātautauhia e ia nō tata nei. Nō reira kei te pai ngā Iwi kia kohikohi kaimoana me te kore o rātou tinana e mōrearea ki te kaikai i a rātou kohinga kaimoana. Otirā te kōrero a Te Manatū Ahu Matua mē titiro te tangata ki tōna paetukutuku e kite atu i te peheatanga o ō rātou takutai hei te roanga o te tau koi rerekē te ahua o ngā waitai mēnā ka hoki mai anō ngā pūkohuwai ki te ngau kino i te ira tangata mā roto i ngā kaimoana e whāngaingai ana i ngā terenga hua e rere ana i te au moana i te whānuitanga o Te Moana nui a Kiwa me Te Moana nui a Toi.