Kei te hoha te kaikaunihera o Rotorua, a Charles Sturt i nga rapihi e putu marara ana i te taha o nga huarahi i Rotorua.

Na kona kua huri ia ki tana pukoro ki te whakairi tohu putea mo etahi whakamarama e pa ana ki nga rapihi e putu ana.

Rima rau taara kua whakairia ki te whai whakamarama mo nga rapihi i putua e tetahi nanakia ki te huarahi Maunga me te hiahia hoki kia hamenehia te nanakia nei. Hei ta Charle Sturt kua hoha nga tangata te tirotiro rapihi ki nga huarahi.

Hei tana i whakairia te tohu putea ki runga i a Pukamata na te kitehanga o nga rapihi i te huarahi Maunga me etahi atu o nga huarahi. Hei tana ano kei te putu nga rapihi ki te taha o nga huarahi i te ao i te po, i te po i te ao.