Kei te piki haere te nama o nga pāha ki te hohipera o Rotorua. I roto i nga marama e rima kua pahore tekau ma waru nga take pāha, whakaritea ana ki ngā pāha rua tekau i tērā tau, ā, i te tau rua mano tekau mā whā, rua tekau mā whā ngā pāha.

E ai ki te poari hauora nā te pūnaha ripoata hou, e mea ana me tuhi rīpoata ngā kaimahi i ngā momo takanga ki te hohipera, te take  i piki ai te nama o ngā pāha. Heoi hei tā te hekeretari o te Public Service Association, hei tā Eric Polaczuk, he mōrearea nui tenei, te piki o te nama o ngā pāha ki te hōhipera. Ko te morearea nui, ko ngā pāha ki ngā kaimahi o te wāhanga mate hinengaro.

Hei tā te hekeretari anō e kōkirikiri ana ngā kaimahi mate hinengaro huri noa i te motu nāreira te mōrearea nui mo ngā kaimahi mate hauora i te hōhipera o Rotorua, e rongo ana i nga pāha.