Wha rau rima tekau nga kainga a Housing NZ kei Whakatane otira toru rau o era kainga kua whakatikatikahia e Housing NZ hei nga korero a Vicky Ngata ki a Ramaroa.

Hei ta Vicky Ngata era o nga kainga kua oti te whakahou kei te pupuri i nga arai mahana, nga whariki hou nga hangarau takuahi e mahana ai te whare ki hea rano e hiahia rawa.

Otira ki te kii a Vicky Ngata ko nga whanau ka atinga i era o o ratau kainga o Housing NZ me whakarite ratau i o ratau whare kia tuwhera i etahi wa awatea e pupuhi ai te hau kia maroke i roto i te whare.

Ta te mea, hei nga wa ua e makuku ai te taiao ka maku hoki i roto i te whare. Otira tetahi atu mahi a etahi whanau kia maroke o ratau kakahu i roto i te whare ara ka taotao i roto i te whare whakamakuku ai.

No reira whakapupuhi a Tawhirimatea i te katoa o te whare ma te tuwhera i nga matapihi me nga tatau e uru hoki a raumati me awatea e patu ai i nga kohukohu no nga makukutanga.