No te Rahoroi pahore nei i tae Te Minita Whanaketanga Maori a Te Ururoa Flavell ki Omaio kia korerohia te kaupapa me nga whanau me a ratau kaipupuri whenua. Kei te takahuri nga whenua kotahi rau rima tekau heketea i te whakatipu kaanga ki te uru rakau hua kiwi.

Ara te toronga o Te Ururoa Flavell kia Omaio kia puta mai nga whakaritenga o nga whanau Maori no ratau nga whenua. Hei ta te koromatua o Opotiki ta John Forbes kei te pirangi ratau kia hiki pai i te kaupapa kia kore ai nga utu reiti hei nga tau e rima e taka mai ana.

Kei te kii a John Forbes ma tenei mahi paku nei ka awhina ki te hiki hoki i te ohanga o Aotaeroa. Tera nga korero a John Forbes ahakoa te iti o te wahi e tu ai te uru rakau hua kiwi ka kotahi rau neke atu te nui o nga turanga mahi ka pupu ake ki roto i te rohe o Te Kaunihera o Opotiki a tona ake wa whakatinanatanga.

Kei te tumanako Te Kaunihera o Opotiki ma te whakakore i te utu reiti o nga whenua Maori ka ono tekau mano tara ia tau hei konei ka riro aua putea i nga kaipupuri whenua hei whakamahi i a ratau whenua hei whakatipu hua kiwi rakau.