Ka riro ma te pirimia tuarua tawhito ma Ta Michael Cullen hei arahi i te kahui motuhake kia kite he aha ai i maringi te awa o Rangitaiki i te tuaono o paenga-whawha kia toremi i etahi o nga kainga o Patutaatahi me nga whenua e hora ana i tera takiwa o Te Waiariki Rawhiti.

Ka tu a Ta Michael Cullen hei te heamana me aana tohunga purere whenua me Kyle Christensen raua ko Charlie Price e huihui ana ratau a tenei Rapare me tenei Ramere.

Ki nga korero a Ta Michael Cullen ka tirotiro ratau i te ahuatanga o nga awa o Rangitaiki me Tarawera kia kite marika marama i te koretaketanga o te tahataha awa i Patutaatahi.

Na te pahutanga o te tahataha awa o Rangitaiki i totohu te whenua me etahi kainga i raro i te waipuke kia noho kainga kore etahi o nga hapori. Otira te tupono kihei tetahi o nga hapori i mate i taua aitua.

Ka hurihuri haere a Ta Michael Cullen ki te korero ki nga kaiahuwhenua, ki nga hapori o Patutaatahi me nga iwi e tango whakaaro e kite ai he maramatanga e kore tenei aitua e pupu ake ano.