Ka riro ma Te Kura o Te Whata Tau o Putauaki hei whakahaere i tenei Ahurei Kapa Haka o Rangitaiki i tenei tau rua mano ngahuru ma ono.

E waru nga kapa haka kei te whakataetae i te wahanga pia kei a ratau te ata Ramere otira e whitu nga kapa haka kei te whakangahau i te iwi matakitaki hei te ahiahi kia whai rano i nga kapa haka tuakana e iwa kei te whakataetae i nga taonga tamariki pakeke.

Enei kura no te whanuitanga o Whakatane me roto o Kawerau. Kei roto i te whare tapere Ron Hardie i Kawerau nga tamariki kura e whakataetae haka ana me nga korero a tetahi kaiako Te Whata Tau o Putauaki a Warati Paraha e mea ana neke atu i  te tekau ma wha rau nga tangata e pupuri ana i nga tikiti ki roto i te whakataetae kapa haka.

Tera nga korero a te tumuaki o Te Whata Tau o Putauaki a Ripeka Lessels me whai ratau i te putea rua tekau mano tara ki te rua tekau ma wha mano ratau e utu ai i te ahurei kapa haka o Rangitaiki.

Ara nga korero a Warati Paraha kua ea nga tawewe me tana korero kua tuatahi tenei wahanga i utua  ai nga tawewe i mua atu i te whakataetae kapa haka.