Hei nga tatauranga o Te Manatu Hauora tata nei ki te 1.23 miriona nga tangata o Aotearoa kua whiwhi i te rongoa arai mate rewharewha i tenei tau 2016.

Otira ka ahei tonu nga hapori ki te whiwhi i te rongoa arai kia pau ran te marama o Here-turi-koka e haere ake nei. Hei runga i nga kupu whakahau o te World Health Organization kua kaurori te rongoa arai i Aotearoa kia patua nga mate rewharewha Brisbane, te mate rewharewha Hong Kong me te mate rewharewha Kariponia.

Kei te kii te minita Hauora a Rata Jonathan Coleman ko te rongoa arai o naianei ka tamia nga mate rewharewha e rere nei i tenei taiao.

Otira te korero hoki a Rata Jonathan Coleman ahakoa kua tokomaha ake nga tangata kua whiwhi i te rongoa arai he pai tonu kia tini ake a tatau tangata o Aotearoa e mau ana i te rongoa arai e patu ai i te mate rewharewha i tenei kaupeka Takurua puta atu rano ki te kaupeka Koanga.

Kei te utu kore te rongoa arai ki nga tangata kei te pakeke ake i te tau 65 me runga ake, nga wahine hapu, nga turoro ake me nga tamariki kei raro i te tau e 5 kei nga hohipera e hemanawa ana.