Koinei nga korero a Mike van der Boom e tumanako ana ki riro turanga ia ki runga i Te Kaunihera o Whakatane. Tetahi kaupapa nui e kaingakau ana i a Mike ko te ara hikoi o Nga Tapuwae o Toi me tana korero ko tenei tetahi o nga tirititiri o Whakatane.

Kei te kii a Mike kei te whai mahi tonu Te Kaunihera o Whakatane ki te whakatikatika i te ara hikoi o Nga Tapuwae o Toi. Otira pea me mahi tahi i nga hapori kia tareia Nga Tapuwae o Toi kia rangatira ai tona ahua hei te iwi o Whakatane me era iwi manene o tawahi e taki tapoi ana ki tenei rohe o te waka o Mataatua.

Tera tetahi tauira a Sue Ross perehitini o Te Karapu Athletic and Harriers o Whakatane ka puta aana tangata ki te omaoma i Nga Tapuwae o Toi kei te rangirua ratau me o ratau mahere whenua e aruaru ana ki hea rano e neke haere atu ai na te kore nga tohu me nga tuhinga e whakaatu ana ki te tangata ki hea rano haere ahu ai otira e hia te roa o te tawhiti.

Kei te whakapono a Mike van der Boom ka whiwhi turanga kaunihera ia ko ia ka whakarite i nga mahinga hei whakatikatika me te whakaataahua i Nga Tapuwae o Toi me tana korero me korero ki te iwi Maori kia taka mai nga korero nehera mo Nga Tapuwae o Toi kia tuhia aua korero i rongo i nga papa tohu e mohio ai te hunga hikoi ki to ratau wahi hikoi.