He ingoa ano kua apitihia ki te rarangi ingoa e hiahia ana te whai i te turanga koromatua, hei nga potitanga kaunihera. Kei te hiahia a John Rakei-Clark te whai i te turanga koromatua o Rotorua i nga potitanga hei te marama o Whiringa a Nuku.

Hei ta matua Rakei-Clark, i whakaaro ia me whai ia i te koromatua na runga i nga ahuatanga kare e tino rata ki a ia. Ko etahi take i whakaarahia e matua Rakei-Clark, ko te taumahatanga ki nga pakihi, ko nga raru e pa ana ki nga rangatahi o Rotorua, nga take whare me te hunga noho kainga kore ana.

Hei tana ano kei te ata whakatakotoria e ia etahi kaupapa here hei titiro i nga take ki Rotorua, a, ki te tu ia hei koromatua ka kaha tonu tana whakatinana i ana kaupapa here.