Kua whakatau Te Kaunihera o Whakatane ma te umanga hoko whenua ma Colliers International e tauhokohoko atu i te whenua kei Piripai i tawahi o te awa o Ohinemataroa i te taone o Whakatane.

Ka whakarite a Colliers International i tetahi wahanga tauhoko i te whenua kei te huarahi 77 Bunyan kia maketehia tomua i te marama o Whiringa-a-rangi kia ahei nga tangata e kaingakau ana ki te waihanga whare ki te tuku o ratau hoahoa i mua tonu i tenei wa Kirihimete.

Whai muri mai ka tirotiro a Colliers International ki nga tangata ki tetahi tangata ranei ka riro i te kirimana waihanga whare hei te tomuatanga o te tau rua mano ngahuru ma whitu.

Otira me kaua a Colliers International me Te Kaunihera o Whakatane e wareware ki nga mahere rautaki kia rahui tetahi arawii i waenga i te whenua kainga me te urupa Opihi Whanaungakore me te whakaaetanga o Te Runanga o Ngati Awa me nga Kaitiaki o Opihi Whanaungakore.

Mena ka ea ai te katoa o nga hiahia i waenga i Te Runanga o Ngati Awa me Te Kaunihera o Whakatane katahi te angi whakamua o te kaupapa hanga kainga o Te Kaunihera o Whakatane ki tera pito o te whenua o Piripai kei te aronga o te akau ki Te Moana-nui-a-Toi.