No reira kei te whakarite Te Kaunihera o Whakatane kia whakatika me te whakahou i era wahi karukaru kei te takiwa hikoi akau o Otarawairere.

Hei te tuawhitu o te marama o Pipiri ka kati tera wahanga o Otarawairere kia ahei nga tangata kirimana ki te waihanga hou i nga pae hikoi me te taiapa kia mahi tonu ratau e pau ai te kotahi marama a te tuawaru o te marama o Hongongoi. Hei ta Mike Naude o Te Kaunihera o Whakatane ka ahei tonu te iwi whanui ki te hikoi o Nga Tapuwae o Toi  i Whakatane engari tae rano ki Otarawairere me piki whakarunga ki nga kainga kei Kaputerangi kia hikoi ma te huarahi ki raro rano ki Ohope.

Ka pena hoki te tangata e hikoi ana i Ohope ma te huarahi matua ki kaputerangi ka heke rano ki Otarawairere ki te pari hikoi ki te wahi Rahiri katahi ka hipa i Kaputerangi oti ai te hikoi ki Whakatane. Kei te mihia e Mike Naude te iwi hikoi e kore e taea te karohia enei momo mahi whakatika koi whara te tangata e waihoa ai kia puwhawha rano.