Otira ko te tikanga me tu te Oho Ake i te rahoroi engari karawhiiuwhiu te ua kia hiikina te wa i te ratapu te rua tekau ma waru o haratua.

No te po ramere i whakarite nga kaitakawaenga i ta ratau kaupapa Oho Ake kia noho ki raro i te tuanui mena i makuku te rangi me te whenua i te whakatere hoiho o Te Teko.

Hei nga kahui whakangahau ko te Dance Crews, Feet on Fire, Steps Dance, Japanese drumming, Taiko me Tiger Hour. No muri tata mai i tae te kahui purere pahikara wha rau i te taunga tahi ki te whakatere hoiho- i tae mai ratau i nga takiwa o Te Ika-a-Maui kia hui tahi ai i Tauranga ahu rano mai ki Te Teko hai tautoko i nga tangata i tukino i te waipuketanga i te rangi tuaono o paenga-whawha i te whanuitanga o te Rangitaiki me te Waiariki Rawhiti.

I muri i te taenga o nga purere pahikara i timata hoki nga whakangahautanga o Fling Teddy, Garhh-Tait Kora, L.A.B. me Iyah Roots. He kaupapa i whakarite i etahi o nga hapori o te Waiariki Rawhiti kia whai putea tautoko hei nga whanau i patu i waipuketanga o o ratau kainga me o ratau whenua.