Hei ta Fairfax Media i puhia e Rhys Richard Ngahiwi Warren a Pirihimana Regan Mauheni, Pirihimana Damian White, Pirihimana Andrew Flinn ratau ko Haihana Logan Marsh i te tuaiwa o Pou-tu-te-rangi i a ratau e aruaru ana i nga tarukino hauhake. Hoi ano kei te kainga tonu a Pirihimana Regan Mauheni kia ora rano mai tona mahunga i tetahi tu mataa.

Tera a Pirihimana John Ure kare ia i puhia engari kei te mate hinengaro ia i aua puhitanga. Ko nga Pirihimana katoa i puhia i pokaina o ratau tu mataa kia timotimo i nga kongakonga mataa e ora pai ai o ratau wharanga.

I whakaingoatia nga Pirihimana e Kaiwhakawa Tim Brewer kia mohio marika nga iwi katoa ki te ahuatanga o nga mahinga a nga Pirihimana e whakahaumaru ana i a ratau hapori i nga mahi hara a etahi tangata pera i a Rhys Warren.

Ka tu a Rhys Warren ki te aronga koti teitei i Kirikiriroa a te tuaono o te marama o Pou-tu-te-rangi a tera tau rua mano ngahuru ma whitu e hamene ana mo nga whakamatau e rua ki te kohuru tangata me nga wa e rima i puhia nga Pirihimana.