Hono tahi ana a Te Tohu o te Ora o Ngati Awa me te Kura Tuarua o te Manukatutahi, ki te whakamānu i tētahi kaupapa, hei āwhina i ngā māmā taiohi a tēra tau. Ko te īngoa ko Teen Parent Unit, TPU, a, waru tau tēnei kaupapa e noho tarewa ana ki te Kura Tuarua o te Manukatutahi, heoi toru tau ki muri, i whakaaehia e te Manatū Matauranga te kaupapa nei. Hei tā te tumuaki o te Kura Tuarua o te Manukatutahi, a Chris Nielsen i whakatakotoria tenei kaupapa i mua i tana timatanga ki te kura i te tau rua mano tekau. Hei ta te tumuaki, tera pea nā te katinga o te Kura Tuarua o Kawerau i te mutunga o te tau rua mano tekau ma rua me te whiriwhiri ano i te kānataraki a te kura whakangungu i ara ake ano te TPU. Hei tā Chris Nielsen anō ko te tino hiahia a te poari o te kura tuarua kia whakawharehia te kaupapa nei ki te Tohu o te Ora o Ngati Awa.

Hei tā Enid Ratahi-Pryor o te Tohu o te ora o Ngati Awa, he rahi nga whakawhitinga korero a te Tohu o te ora o Ngati Awa ki te Manatu Matauranga kia whakamanutia tenei kaupapa. Hei tāna ano ka whai hua ngā taiohi, otira ngā taiohi māmā ki tēnei kaupapa te TPU. Kei te whakatūhia tētahi whare mo TPU, ā, ko te manako ia ka oti te whakatū a te marama o Whiringa a Rangi.