Introducing our next MC Ani Black for the 2018 Rangitaiki Kapahaka Festival…Ngamihi😊

Ki te taha o toku pāpā

Ko Mataatua te waka 
Ko Ohinemataora te awa
Ko Maungapohatu te maunga
Ko Ngai Tuhoe te iwi
Ko Ngāti Koura te hapū
Ko Otenuku te marae

Heoi ki te taha o tōku whāea

Ko Mataatua te waka
Ko Te Orini te awa
Ko Putauaki te maunga
Ko Ngāti Awa te iwi
Ko Te Paroa te pā
Ko Taiwhakaea te tāngata
Ko Ngai Taiwhakaea te hapū

Ko Anituatua Black toku īngoa i pakeke mai au ki roto o te whārua o Ruatoki, ki roto i te ngāherehere o Te Urewera, Ko au te pōtiki o toku whānau rua tekau ma toru aku tau. I hāere ahau ki te wharekura o Ruatoki, ko ngā akonga e whāngaihia e taua kura ki a mātou ngā tauira, ko te mana o to tātou reo otira to tātou ahurea, e whāngaihia i te matauranga ki te awhina i a tatau kia marama ai tatau ki te hohonutanga o to tatau reo, te ao māori.

Ko tēnei whakataetae o Te Rangitaiki te wā tuatahi i tu au ki te whakarangatira i tēnei taonga o tatau te Kapa Haka mai i te wa pepi nohinohi ana ahau, pakeke hāere ahau e whakatinana nei i ngā whakataetae Kapa haka o tēnei tae atu ki ngā whakataetae a motu. A ko tenei whakataetae te tuapapa mo a tatau tamariki mokopuna ki te whai i to te huarahi o te ao maori ki te whakatipu i to tatau ake kakano. Na reira mai i te Kapa Haka, ka tu au ki roto i te whakataetae manu kōrero.

Mai i te manu korero ka mau ahau ki ēnei taonga hei pou arahi i ahau ki roto i tēnei ao, ara tau atu ana ki tēnei mahi hei kai whakapaaho ki runga i Te Reo Irirangi o TumekeFM.

Nau te rourou, nāku te rourou ka ora te iwi!

Introducing our next MC Mahina Perenara…Tino ataahua😊

Tēnei au a Tūhoe ki Maungapōhatu ko Pūtauaki ki Ngāti Awa
Ki aku wai tukukiri ko Ōhinemataroa ko Rangitaiki
Ko Te Rewarewa ki uta ko Taiwhakaea ki tai
Tēnei au te manu kaewa ki te whenua
Huia atu rā ko aku whakamiha te maioha atu nei!

E toru aku tamariki.
He kaipāpāho au mō te taiwhanga Māori i te rohe ō Mātaatua.
Ko aku pūmanawa e ngākau nui ana ki au ko ngā mahi a te Rēhia me Tānerore.
Oti atu i konei ko taku aroha ki te ao Māori me ōna tikanga ka mau pūmau ki taku whatumanawa. Heoi anō, ko Mahinarangi Perenara ahau. Kai te tī, kai te tā ko aku kai aku whakatamarahi ki te rangi, ko aku whakamānawa ki a tātau katoa.