Koinei te korero a Karen England tetahi o nga kaiako i te kura o Ohope ta te mea he porearea i nga tamariki i nga akoranga matauranga.

No reira kua tohua nga wa watea i te ata me te ranui hei hautututanga ma nga tamariki. Hei te purongo a Ramaroa he taputapu nga potaka kia ahei nga tangata, tamariki pakeke ranei ki te hangai o ratau hinengaro ki o ratau kaupapa whakaaro.

Kei Ohope nga potaka e hokohoko ana  i te Ohope Store me te tumanako hei tenei Ratu tonu e whiwhi ia i nga potaka toru rau me te korero a Greig Dean he potaka e autaia ana i te whanuitanga o te ao katahi no naianei ki tenei takiwa o Whakatane.

Kei te kii a Greig Dean ko nga tamariki te nuinga e hoko ana i nga potaka otira kua hokona etahi e etahi matua hei whakakoi i o ratau hinengaro.