Etahi o nga korero a nga tokotoru ki a Tumeke FM he kaupapa ma ratau kia korerorero ratau ki nga taiohi e kaipaipa ana me era pakeke tonu e hiahia ana kia whakapau kaha e kore ai ratau e momimomi hikareti me nga tupeka.

Ta Monique Thrupp he hoatu taputapu, hangarau ranei ki nga tangata e awhina ana ki te whakaoti i a ratau i te kaipaipa. Otira hei korero tonu na Monique kia whakaatu ki nga tangata kaipaipa i te peheatanga o nga toropuku e ngotengote ana i nga kino o te kaipaipa hei whakamataku i a ratau kia karo atu i te kaipaipa.

Ki ta Stevy Lee he kaupapa ake tetahi whakataetae hei whakahuihui i te iwi kia karawhiuwhiu ki te whiu atu i te kaipaipa kia whiwhi putea nui mena ka roa rawa te wa ma ratau e kore ai kaipaipa.

Otira te kaumatua a Walter Harawira he tautoko nana i ana hoa mahi i a Monique raua ko Stevy e taumata ake ai i a ratau mahinga mutunga kaipaipa. E kii ana a Walter he tirohanga nana kia auahikore te iwi Maori a tona wa anamata.