Hei te purongo a Hauora a Toi a te marama o Haratua e taka mai nei ka mutu te turakina katoatia o te whare Santon tetahi wahanga tawhito o te hohipera o Whakatane.

Ka whitu tekau miriona tara te utu hei papa tahi i te whare Santon i timata i te tau rua mano ngahuru ma ono. Ka huri tenei turanga tawhito o te Santo hei waihanga i etahi ara tuanui kia hono tahi ai ki nga wahanga o te hohipera hou o Whakatane.

Hei te korero a Jeff Hodson o Hauora a Toi ma te hangatanga o nga ara tuanui e ngawari ai te nekeneke haere mo nga turoro me nga kaimahi otira nga tohunga hauora kia whakawhitiwhiti haere i nga wahi katoa o te hohipera o Whakatane.

Ka mau te wahi hou i nga kaimahi rua tekau me etahi ratonga ki te papa tuatahi ko te papa tuarua ka noho watea mo hia nei te roa e whakaaroaro tonu ana i a Hauora a Toi.