Kei te tautoko Te Manatu Hauora o Aotearoa i te pukowhai ki roto i nga wai inu o nga hapori huri noa i Aotearoa me tana kii ma te pukowhai e awhina ki te karo i te pirau niho i te whanuitanga o nga hapori o te motu.

Hei te korero a Te Manatu Hauora na te iti rawa o te pukowhai kei roto tuturu i nga wai maori ma nga Kaunihera o ia rohe hei tuku aua pukowhai ki o ratau wai inu me te whakapono kare kau he morearea i te pukowhai.

Otira kare a Tracy Livingston o te ropu Fluoride Free NZ i Tauranga e rata ana ki nga whakatau a Te Manatu Hauora. Me tana tauira i whakakorehia te pukowhai i te inu wai o Tauranga i te tau 1992 na nga hapori o Tauranga i potihia kia whakakore i te pukowhai ki o ratau inu wai hapori.

Kei te kii a Tracy Livingston kare he take o te pukowhai ki te whakaora i nga niho tangata. Hei ta Tracy Livingston ka whakakino ke te pukowhai i nga niho tangata ina ka kano kotingotingo ke nga niho tangata hei te pukowhai.