Koinei te karanga a Gerard van Beek kaiahuwhenua i Pekatahi tata atu ki Taneatua ki Te Kaunihera o Toi Moana i tana hui i Whakatane no te wiki huri nei. Kei te kii a Gerard van Beek kei te waipuke  te takiwa o Taneatua na te kuiti o te awa me te whakatipu o nga rakau whiro i nga tahataha. Ka waipuke te awa ka hopuhopu nga rakau whiro i nga parahua putu ake putu ake mea rawa ake ka maringi te waipuke ki nga whenua o nga tangata miraka kau. I whakahau a Gerard van Beek i nga taringa whakarongo o Te Kaunihera o Toi Moana kia whakaneke nga tahataha waipuke ki whanui rano te awa o Ohinemataroa kia noho tonu te waipuke ki roto i tona ake hekenga rere tonu atu ki Te Moana-a-Toi. Hei ta Gerard Van Beek he mea pai hoki kia tango katoa nga rakau whiro i te taha o te arawhata Taneatua kia horokai te waipuke i tona ake hauroatanga. He korero hoki na Gerard van Beek mena ka waihanga tetahi arawhata hou e Waka Kotahi me whakawhanui hoki taua wahi e tu ai te arawhata hou. Hoi ano he whakaaro mo anamata ake.