Hei te korero a Haami Piripi heamana o Te Rarawa – iwi o Te Tai Tokerau e ai ki Te Tiriti o Waitangi i tuku te iwi maori te aheitanga kia kawanatia e Te Karauna te whenua o Aotearoa engari kia tokorua Te Karauna raua ko te Maori i nga nekenekehanga o te whenua. Engari ki te korero a Haami Piripi he tinihanga no Te Karauna i te tau kotahi mano, waru rau wha tekau kia ngoikore te mana wai maori o te iwi maori kia hokona atu kehia. Kei te whakapae a Haami Piripi kua tukinohia e Ta Karauna te wai Maori me te whakatau hei aha ma Te Karauna tenei taonga o Papatuanuku. He korero tenei na Haami Piripi i te hui kokoraho wai maori kei te whakarite i Te Ropu Whakamana i te Tiriti o Waitangi kei te marae o Maungarongo i Ohope hei te roanga o tenei wiki. Tera hoki te korero a Haami Piripi kare Te Karauna i te korerohia te ahuatanga o te wai maori ki te iwi maori engari i kapohia kehia te wai maori kia hokona atuhia.