A tēnei Raapa te rua tekau mā rima o Paenga-whāwhā te whakanuitanga me te whakamauharatanga o ngā hōia tawhito me ngā hōia o nāianei e whara ana ēra e koroheke ana me ēra kua tae atu ki tuawhakarere kia kore ra tātou e warewaretia rātou i tū ki ngā pakanga o te ao me ēra o whenua kē atu i Vietnam me Korea tawhito me era hoia kei ngā whenua kē e whawhai tonu e āwhina ana i ngā iwi e tuakoka ana i ngā muranga ahinga whenua. I tonoa e te RSA Whakatāne ngā puāwai poppy rua tekau mano na te ringa raupa i Otautahi kia tohatoha i ngā ūmanga o Whakatāne hokohoko atu ai e whiwhi pūtea kia āwhina i ngā hōia me o rātou whānau. He tohu mauharatanga me te tohu tumanakotanga ngā puāwai poppy aianei ina i te tipu ēnei momo puawai poppy i ngā māra whawhai i Flanders Begium i te pakanga tuatahi o te ao. Ko te tikanga o te rangi poppy ko te whiwhinga pūtea i te rāmere to mua rawa i te rangi ANZAC mai ano i te tau kotahi mano iwa rau rua tekau mā rua.