Ahakoa kua watea te rahui ka noho ke te Maketu Coastguard hei tutei i nga tangata ka toro atu ki tera toka moana o Otaiti.

Ta te mea kei te mahara nga kaipupuri o te kaipuke Rena koi raru nga iwi rukuruku moana mena ka hohonu ki te tupapaku o te Rena me te mohio kei te takoto te tupapaku Rena ki raro i te karetai ma te rua tekau ma ono mita, te toru tekau ma ono mita me te wha tekau mita.

Ka riro ma te Maketu Coastguard hei tohutohu i nga kairukuruku me pehea ratau e whai take ki te tupapaku o te Rena me te kore e whara me te kore e mate ranei. Kei te whakautua te Maketu Coastguard e nga kaipupuri me nga Inehua o te Rena kia tutei ratau i Otaiti hei nga wa papapounamu o te moana i waho ra i Motiti me Tauranga moana.