Whai muri i te whakahe a te hapori i te mahere a te kaunihera o te waiariki uru, i aukatihia nga hokotanga whenua rahui. Kotahi rau wha tekau ma waru nga tuku tono ki te kaunihera e pa ana ki te Mahere whakahaere i te whenua rahui o Kaimai, waru tekau ma rima orau o nga tuku tono na te hapori o Omokoroa.

Hei ta te koromatua o te waiariki uru, a Ross Paterson, maha tonu nga tangata o Omokoroa i mautohe kia kaua nga whenua rahui e hokona atu. E whakapono ana ratou ma te pupuri i nga whenua rahui ka noho ataahua te taiao o Omokoroa.

Hei ta te koromatua ano, na runga i nga tuku tono me te kaha mautohe ki te aukati i te hokotanga o nga whenua rahui, kua huri ke nga kaikaunihera te whakarereke i ta ratou mahere whakahaere. Ko te ataahuatanga, te humarie, me te wairua o te taiao o nga whenua rahui te putake e hiahia ana te hapori kia mau tonu.