Kei te kainga a Hamish Reid e turoro ana i tona moenga e whawhai ana i te mate rewhawha i te tomuatanga o tenei marama o Hongongoi. I taua wa e mahi ana a Jake McCleary i tona taiwhanga roia i waha pu o te awa o Ohinemataroa ka kite ia i tetahi rangatahi e raru ana i tona reti ngaru me tana hoa.

Mea rawa ake kua mau te rangatahi tane i te au moana e kumea ana ia ki waho tawhiti atu i te waha roa o Ohinemataroa. Ka waea atu a Jake McCleary ki te whawhati tata 111 e waru meneti i muri tata mai ka waea atu a Jake ki tana hoa ki a Hamish Reid me tana korero kei te poteretere te rangatahi tane ki wiwi ki wawa.

Hei ta Jake tekau ma rua meneti noa iho hipa i kite ia i a Hamish e neke parahuti ana i runga i tona waka pukahahu puta atu rano i te awa o Ohinemataroa kia rere haere i te akau o Piripai. Hei nga korero a Hamish Reid i kitea e ia te rangatahi tane e rua kiromita i waho i te akau i waenganui i Ohinemataroa me nga Moutere Rurima.

Hei ta Hamish Reid i te pouri haere te wa i kitea te rangatahi tane mai kore tena kitenga kua mate ke te rangatahi tane i te makariri. Tenei whakarauora tangata i te tekau ma tahi o Hongongoi.