E kuhu ana a Matthew Crawford ki nga momo tohunga hauora katahi ka puta mai te patai kei tona whanau te mate roro tapepe ara multiple sclerosis. Wha tekau ma tahi te tau pakeke i nga tau e ono ki muri e raru ana a Matthew Crawford e purapura ana ona whatu me ona waewae e kopa ana.

Otira na tetahi matatirotiro i kitea tetahi harehare i tona tuanui me te kii ko te mate roro tapepe. Hei te korero hoki a Matthew Crawford kare kau ona rongoa e whakatikatika ana i tona tinana e tumanako ana ka mahora te roro tapepe ki te nuinga o tona tinana a muri atu nei ka hia rano te wa.

Kei te mahi tahi a Matthew raua ko tana hoa wahine a Brigid Crawford hei awhina i a ia e whai oranga mo tona wa i runga tonu i te ao turoa. Kua whiwhi awhina hoki a Matthew Crawford i etahi atu e mau ana i te mate roro tapepe, i a Sandra Perry tetahi mana kai i Tamaki-makau-rau i a Ahorangi George Jelinek o Ahitereiria me tana rata roro ko ia e whakahau ana i tenei matua tane o nga kotiro tokotoru.