Kei te titiro a Kiwi Rail ki ona ture me te uruhi i enei ture o te whakamahi i nga rera, nga ara tereina o te rohe o te Waiariki, a huri noa i te motu.

Tuatahi ka titiro ratou ki nga kaiahuwhenua i te mea, e whakamahi ana nga kaiahuwhenua i nga ara whakawhiti i nga rera, hei arahi i nga kau. E hiahia ana a Kiwi Rail te whai i nga putea toru rau rima tekau taara mo ia whakawhiti rera me te whai i nga utu a tau i runga i te ahua o nga whakawhiti.

Heoi, kare nga kaiahuwhenua i te harikoa ki tenei whakatau a Kiwi Rail, koinei ta Daryl Jensen. Hei tana katahi ano ka hiki a Kiwi Rail i nga reti mo nga whenua e reti ana nga kaiahuwhenua pa tata ana ki nga rera tereina, ma te toru rau rima tekau orau, a, e mataku ana nga kaiahuwhenua he mahinga whai putea tenei mo Kiwi Rail.