No te rapare pahore i tu tetahi hui a Te Kaunihera o Whakatane e korerorero ana mo nga kainga toru tekau ma rua kei te aronga o te awatarariki i Matata me panaia atuhia era tangata i o ratau kainga ki wahi ke atu kare kaua he ngarengare noa ake. Etahi tangata i haere ki te hui kaunihera hei mangai mo nga tangata tekau ma ono o era toru tekau ma rua ko Rick raua ko Rachael Whalley kei Clem Elliott Drive e noho ana kia hoariri i Te Kaunihera o Whakatane kia waiho ratau ki o ratau kainga Matata mo ake tonu atu. Kei te kii a Rick Whalley kei te mohio ratau aianei ki te ahuatanga o te waipuketanga me te horohanga whenua o o ratau kainga na te awatarariki i te tau rua mano ma rima. E whakapono ana a Rick Whalley ma ratau tonu o Matata e whakaaroaro kia whakarerea e ratau o ratau kainga mena ka pahu ano te awatarariki anamata ake kaua ma Te Kaunihera o Whakatane e whakaporearea i o ratau nohonga. Kei te whakatenetene te kaupapa i tenei wa kia korerorerohia e Te Kaunihera ratau ko Te Kaunihera o Toi Moana me Te Kawanatanga a ko ake nei.