Kotahi rau rua tekau ma rima tau e tuwhera ana mai ano i te rangi tekau ma whitu o te marama o paenga-whawha – kotahi mano, waru rau, iwa tekau ma toru tuatahi i Otamauru kei Coastlands me nga tamariki toru tekau ma whitu. No te tau kotahi mano, iwa rau, tekau ma toru i hunuku te kura o Te Paroa ki Owhataiti kei te taunga waka rererangi o Whakatane engari tekau tau i muri mai na te kino o te mate kaakura ka katia te kura tawhito. Kia waihanga rano i te kura hou o Te Paroa i tona tunga onaianei me nga taiwhanga ako e rua kia mau i nga tamariki iwa tekau me nga kaiako tokorua i tona whakatuwheratanga. I tenei tau tonu rua rau nga tamariki me Erin Te Pou hei te tumuaki o Te Kura o Te Paroa. Etahi o nga ingoa whanau i timata i te rautau tekau ma waru ko te whanau Takotohiwi, Hohapata me Ratahi. Otira te whakapapa o ena whanau e kura tonu ana aa ratau uri whakaheke. Kei te kii a Erin Te Pou ka wha nga rangi ratau e whakanui ana i to ratau kura ka timata i te rangi tekau ma whitu o Whiringa-a-rangi. Hei te ramere te tekau ma waru o Whiringa-a-rangi ka tonoa nga akonga tawhito kia hui tahi ai e korerorero o ratau pukenga o mua mai ki nga tamariki o tenei tau rua mano ngahuru. Ara atu nga whanuitanga e whakahaere ana kia mutu me tetahi kanikani me te hakari nui.