Kei te pupuri te Green Cross i ngā kāhui rata e toru o Whakatāne te Doctors Pheonix, te Doctors Kopeopeo me Total Health. He hononga ēnei kahui rata e toru i te Eastern Bay Primary Health Alliance ēngari a te rangi tuatahi o Hongongoi ka wete a Green Cross i tāna hononga kia hono ke ia ki te Western Bay Primary Health Alliance kei Tauranga. E whakapae ana a Brian Gould heamana o te Eastern Bay Primary Health Alliance he wehenga na Green Cross i runga i te kupu taurangi a te Western Bay Primary Health Alliance he māmā ake mā ratōu ki te whiwhi tahua pūtea. Kei te kii a Brian Gould he rerekē te āhuatanga o ngā turoro i Whakatāne me ēra kei Tauranga me te kitenga he māori te nuinga o ngā turoro. Kei te whakapono a Brian Gould kāre te Western Bay Primary Health Alliance e tohunga ki ngā ratonga hauora ki roto i Te Waiariki Rawhiti. Otira ngā kōrero a Grant Bai o Green Cross he mohio no āna tāngata ki ngā mahi tūroro i Whakatāne ēra tāngata hauora ka noho tonu ki te rohe o Mataatua.